ఐసిస్‌ సానుభూతిపరుడి అరెస్టు

గంగావతి, శివమొగ్గ, న్యూస్‌టుడే:ఇస్లామిక్‌ స్టేట్ ఉగ్రవాద సంస్థతో సన్నిహిత సంబంధాలు కలిగి ఉన్న ఆరోపణలపై కర్ణాటక రాష్ట్రం కొప్పళ జిల్లా గంగావతికి చెందిన పండ్ల వ్యాపారి షబ్బీర్‌ మండలగిరిని శివమొగ్గ పోలీసులు ఆదివారం రాత్రి అరెస్టు చేశారు. ఇప్పటికే అరెస్టయిన సయ్యద్‌ యాసిన్‌ (21), మాఝ్‌ మునీర్‌ అహ్మద్‌ (22)లతో పాటు పరారీలో ఉన్న శారిఖ్‌తో షబ్బీర్‌కు సంబంధాలు ఉన్నాయని గుర్తించారు. మేజిస్ట్రేట్ ముందు నిందితుడిని హాజరు పరచి విచారణ నిమిత్తం అదుపులోకి తీసుకున్నారు. మెగ్గాన్‌ ఆసుపత్రిలో అతడికి వైద్య పరీక్షలు చేయించి, రహస్య ప్రదేశానికి తీసుకెళ్లి విచారణ చేపట్టారు.