close


రాశిఫలం

రాశిఫలం


గ్రహ‌బ‌లం (అక్టోబ‌రు 14-20)
డా॥ శంక‌ర‌మంచి రామ కృష్ణ శాస్త్రి

మేషం
(అశ్విని, భరణి, కృత్తిక 1వ పాదం)
నిర్దిష్టమైన ప్రణాళికలు అవసరం. ప్రతి పనీ శ్రద్ధతో చేయండి. సమయానుకూలంగా నిర్ణయాలు తీసుకుంటూ ముందుకు సాగండి. వృత్తి ఉద్యోగ వ్యాపారాల్లో జాగ్రత్త అవసరం. మానసిక ఇబ్బందులెదురవుతాయి. ఆత్మీయుల అండతో విజయం సాధిస్తారు. పనుల్ని సామరస్య ధోరణిలో చక్కదిద్దే ప్రయత్నం చేయండి. సూర్యారాధన శక్తినిస్తుంది.
వృషభం
(కృత్తిక 2,3,4 పాదాలు; రోహిణి, మృగశిర 1,2 పాదాలు)
తలచిన కార్యాలు శీఘ్రంగా పూర్తి అవుతాయి. విశేష ధనప్రాప్తి ఉంటుంది. ఆస్తిని వృద్ధి చేస్తారు. అధికార లాభముంది. విందూ వినోద కార్యక్రమాల్లో పాల్గొంటారు. క్రమంగా విఘ్నాలను అధిగమిస్తారు. సాహసంతో తీసుకునే నిర్ణయం లాభాన్నిస్తుంది. మిత్రుల సూచనలు పనిచేస్తాయి. ఆరోగ్యం బాగుంటుంది. ఇష్టదైవాన్ని స్మరించండి.
మిథునం
(మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు)
కొన్ని సంఘటనలు విజయానికి అడ్డుపడతాయి. చర్చల ద్వారా పనులు జరుగుతాయి. ధర్మబద్ధంగా ముందుకెళ్లండి. దగ్గరివారితో గొడవలు రాకుండా జాగ్రత్తపడాలి. ఉద్యోగంలో మిశ్రమ ఫలితం. వ్యాపార లాభం ఉంది. శ్రమకు తగ్గ ప్రతిఫలం అందడంలో జాప్యం జరుగుతుంది. కొందరివల్ల మనస్తాపం చెందుతారు. శుభవార్త వింటారు. లక్ష్మీనారాయణ ధ్యానం శుభాన్నిస్తుంది.
కర్కాటకం
(పునర్వసు 4వ పాదం; పుష్యమి, ఆశ్లేష)
అద్భుతమైన శుభకాలం ప్రారంభమైంది. మంచి పనులు చేసి విజయాన్ని సాధిస్తారు. ధనలాభం సూచితం. గతంలో ఆగిన పనులు పునః ప్రారంభమవుతాయి. కీర్తి లభిస్తుంది. సమస్యలకు పరిష్కారం దొరుకుతుంది. దూరమైన బంధాలు దగ్గరవుతాయి. అపోహలు తొలగుతాయి. సమాజంలో గౌరవం పెరుగుతుంది. గృహలాభం సూచితం. దుర్గాస్తోత్రం చదవండి.
సింహం
(మఖ, పుబ్బ, ఉత్తర 1వ పాదం)
విజయావకాశాలు పెరుగుతాయి. ఆర్థికంగా మిశ్రమఫలం ఉంటుంది. ధైర్యంగా మాట్లాడితే కార్యసిద్ధి సులభమవుతుంది. శుభం చేకూరుతుంది. నూతనంగా ఆలోచించండి. కుటుంబసభ్యుల సలహాలు తీసుకోండి. వివాదం వద్దు. ప్రశాంత జీవనం ఉంది. ఆరోగ్య రక్షణ అవసరం. విష్ణు స్మరణ మేలు చేస్తుంది.
కన్య
(ఉత్తర 2, 3, 4 పాదాలు; హస్త, చిత్త 1, 2 పాదాలు)
విజయం లభిస్తుంది. ఆటంకాలు తొలగుతాయి. సంకోచించకుండా ముందడుగు వేయండి. మొహమాటం పనికిరాదు. సున్నితంగా మాట్లాడటం వల్ల ఆపదలు దరిచేరవు. కొందరు మిమ్మల్ని బాధించాలని చూస్తారు. మీ మంచితనం కాపాడుతుంది. ఆర్థిక విషయాల్లో జాగ్రత్త అవసరం. శుభవార్త వింటారు. శివారాధన ఉత్తమం.
తుల
(చిత్త 3, 4 పాదాలు, స్వాతి, విశాఖ 1, 2, 3 పాదాలు)
సత్పురుషుల సాంగత్యం వల్ల మంచి విజయం సాధిస్తారు. శుభయోగాలున్నాయి. అదృష్టవంతులవుతారు. మంచి పనులు చేసి పెద్దల నుంచి అభినందనలు పొందుతారు. గత వైభవప్రాప్తి ఉంటుంది. మనసు ఆహ్లాదంగా ఉంటుంది. దృఢమైన సంకల్పసిద్ధి ఉంది. మిత్రులకు మేలు జరుగుతుంది. పదిమందికీ సహాయపడతారు. సూర్యారాధన మంచిచేస్తుంది.
వృశ్చికం
(విశాఖ 4వ పాదం; అనూరాధ, జ్యేష్ఠ)
విజయం లభిస్తుంది. పనుల్లో వేగం పెరుగుతుంది. అనుకున్నది సాధిస్తారు. విఘ్నాలు తొలగుతాయి. అదృష్టయోగముంది. పేరు ప్రఖ్యాతులొస్తాయి. దగ్గరివారితో విభేదించవద్దు. మితభాషణం మంచిది. ఉద్యోగంలో బాగుంటుంది. ఒక విషయంలో తడబాటుకు గురవుతారు. వారాంతంలో శుభవార్త వింటారు. దుర్గాధ్యానం శక్తినిస్తుంది.
ధనుస్సు 
(మూల, పూర్వాషాఢ, ఉత్తరాషాఢ 1వ పాదం)
బాగా కష్టపడితేనే విజయం సిద్ధిస్తుంది. ధనం విషయంలో జాగ్రత్త అవసరం. ఖర్చు అధికమవుతుంది. ఉద్యోగ వ్యాపారాల్లో బాగుంటుంది. పదోన్నతి ఉంది. ఆటంకాలు తొలగుతాయి. కుటుంబసభ్యులకు మేలు జరుగుతుంది. గౌరవం లభిస్తుంది. దగ్గరివారితో ఆనందాన్ని పంచుకుంటారు. శివారాధన ఉత్తమ ఫలాన్నిస్తుంది.
మకరం
(ఉత్తరాషాఢ 2, 3, 4 పాదాలు; శ్రవణం, ధనిష్ట 1, 2 పాదాలు)
దైవబలం రక్షిస్తోంది. అదృష్టయోగముంది. ఒక శుభవార్త వింటారు. ఆనంద కాలం మొదలవుతుంది. ఎన్నాళ్ళుగానో ఎదురుచూస్తున్న ఒక విషయం కొలిక్కి వస్తుంది. బాధ్యతలు పెరుగుతాయి. అనుకున్నది సాధిస్తారు. ధనలాభం ఉంది. బంధుమిత్రుల సహకారం లభిస్తుంది. శివధ్యానం విఘ్నాలను తొలగిస్తుంది.
కుంభం
(ధనిష్ట 3, 4 పాదాలు; శతభిషం, పూర్వాభాద్ర 1, 2, 3 పాదాలు)
సుఖసంతోషాలతో వారం మొదలవుతుంది. ధనధాన్య లాభముంది. దూరపు ప్రయాణాల్లో విజయముంటుంది. అభీష్టాలు నెరవేరతాయి. గౌరవ మర్యాదలు లభిస్తాయి. ఉద్యోగ వ్యాపారాల్లో తగినంత గుర్తింపు లభిస్తుంది. ఆపదలు తొలగుతాయి. శత్రువుల మీద విజయం సాధిస్తారు. అపార్థాలకు తావివ్వకండి. దుర్గాదేవిని ధ్యానిస్తే శాంతి లభిస్తుంది.
మీనం
(పూర్వాభాద్ర 4వ పాదం, ఉత్తరాభాద్ర, రేవతి)
అదృష్టయోగముంది. పూర్వపుణ్యంతో ఒక విషయంలో అఖండమైన విజయం సాధిస్తారు. ఆపదలు తొలగుతాయి. పెద్దల ప్రశంసలందుకుంటారు. ఉద్యోగంలో శుభఫలితముంది. ధనలాభం ఉంటుంది. స్థానచలనం అనుకూలంగా ఉంటుంది. మిత్రుల సహకారం ఉంటుంది. భవిష్యత్‌ ప్రణాళికలు ఫలిస్తాయి. ప్రశాంతత లభిస్తుంది. అష్టలక్ష్మీ ధ్యానం శుభప్రదం.

ఇంకా..

జిల్లా వార్తలు

దేవ‌తార్చ‌న

రుచులు
రుచులు

© 1999- 2018 Ushodaya Enterprises Pvt.Ltd,All rights reserved.
Powered By Margadarsi Computers
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Terms & Conditions | Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.