close

తాజా వార్తలు

2019లో 1996 పునరావృతం కానుంది

2019లో 1996 పునరావృతం కానుంది

బెంగళూరు: 1996లో ఏదైతే జరిగిందో అదే 2019 సార్వత్రిక ఎన్నికల్లోను పునరావృతం కానుందని కర్ణాటక ముఖ్యమంత్రి హెచ్‌డీ కుమారస్వామి అన్నారు. గురువారం ఆంధ్రప్రదేశ్‌ ముఖ్యమంత్రి చంద్రబాబునాయుడును కలిసిన అనంతరం నిర్వహించిన మీడియా సమావేశంలో ఆయన మాట్లాడుతూ ఈ వ్యాఖ్యలు చేశారు. 2019 లోక్‌సభ ఎన్నికల్లో తాము తప్పకుండా విజయం సాధిస్తామని ఆయన విశ్వాసం వ్యక్తం చేశారు.

‘జనతా దళ్‌ సెక్యులర్‌, తెలుగుదేశం పార్టీలు పాతకాలం నాటి మిత్రులే. 2019 ఎన్నికల్లో మేం తప్పకుండా విజయం సాధిస్తాం. 1996లో భాజపాకు ఎదురైన పరిస్థితే 2019లోను పునరావృతం అవనుంది’ అని ఆయన అన్నారు. ప్రధాని అభ్యర్థిగా ఎవరు నిలబడతారనే విషయంపై ఇంకా ఎటువంటి నిర్ణయం తీసుకోలేదని ఆయన తెలిపారు. ‘దేశాన్ని నడిపించగలిగే సామర్థ్యం ఉన్న ప్రతిపక్ష నేతలు చాలా మంది ఉన్నారు. ముందు భాజపా నుంచి దేశాన్ని కాపాడుకోవడమే మా లక్ష్యం ఆ తర్వాతే ప్రతిపక్ష పార్టీ ప్రధాని అభ్యర్థి ఎవరనేది నిర్ణయిస్తాం. అందుకే ఇప్పుడు ప్రతిపక్ష పార్టీలన్నీ ఏకతాటిపైకి వస్తున్నాయి’ అని ఆయన తెలిపారు. 2019లో ప్రతిపక్ష పార్టీలు కాంగ్రెస్‌ అధ్యక్షుడు రాహుల్‌ గాంధీ సారథ్యంలో కలిసి పని చేస్తాయని ఆయన స్పష్టం చేశారు.

1996 సార్వత్రిక ఎన్నికల్లో లోక్‌సభలో అత్యధిక స్థానాలు గెలుచుకున్న పార్టీగా భాజపా అవతరించింది. దీంతో అటల్‌ బిహారీ వాజ్‌పేయీ ప్రధానిగా బాధ్యతలు చేపట్టారు. కానీ భాజపా ఇతర పార్టీల మద్దతును కూడగట్టుకోవడంలో విఫలం కావడంతో వాజ్‌పేయీ ప్రభుత్వం తమ ఆధిక్యతను నిరూపించుకోలేకపోయింది. పార్లమెంటులో సరైన మెజారిటీని పొందలేకపోవడంతో 13రోజుల అనంతరం వాజ్‌పేయీ తన పదవికి రాజీనామా చేశారు.


తాజా వార్తలు

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవ‌తార్చ‌న

రుచులు